زيارة لمدينة سبع عيون اقليم الحاجب
مدينة سبع عيون sabaa aiyoun
مدينة صغيرة وسط البلاد كاينة مابين فاس و مكناس وهي تابعة ترابيا لاقليم الحاجب , سميت بهاد الاسم بسبب المنابع المياه المعدنية الكثيرة و اهمها عين السلطان للي عندها تاريخ مع قبيلة بني مطير ف وقت الاستعمار و لكن حاليا ولات بلاصة ديال القاصيرات و قاصرين مكان لا يستحق الاهمال للي وقعة فيه لا طريق مقادة لا امن فيها , وهادشي غادي ياثر على المجتمع لما يقع في عين السلطان ,
وقت استعمار عرفات الفلاحة واحد التطور جيد للي خللها تعرف و تكون مصدر قيم للحبوب و الحامض و الكروم و البصل و هادشي بفضل خصوبة التربة اما اقتصاديا كاين سوق اسبوعي و معمل للبازات و معمل لصنع القنوات و معمل لصنع علف الدواجن والحيوانات و معمل لصناعة و تسويق الخمر باتجاه اوروبا و هادشي فيه واحد المبالغ مالية شكون المتصرف فيها !
اما الادارة تتكون من بلدية و باشوية و جوندارم ودار الشباب و مراكز تعليمية ومراكز اجتماعية و صحية واخة هاكاك يقدر الامن الوطني يلتحق بالمدينة حيت رجال الشرطة يقدرو يحميو الشباب من اخطاء المراهقة و من المخدرات للي منتاشرة في بعض المقاهي و ينظموا داك المجتمع للي فيه الجريمة عشوائية ,
اما من ناحية السكان كاين عدد ضئيل من الناس الاصلية بسباب الهجرة الداخلية حيت المدينة مقتول رواج ديالها , ف 2014 تحصر عدد السكان 26.277 نسمة و عدد الاسر 5570 و حنا ف 2021 اذا السكان يكونوا تزادو,
مدينة سبع عيون متعرضة للنقص في تسيير الجيد و الحكامة و الشفافية بدون اي محسوبية للناس للي مسيرين الشان المحلي.
نتمنى تفهموا اشنوا طاري فعين السلطان غادي ينتج مجتمع عامر بضحايا المراهقة .
أبنائكم مستقبلكم احموا المستقبل بالتأطير
