#التحرش_فالمنتزهات_الحاجب… ظاهرة خاصها توقف بتعاون الساكنة والأمن والجماعة
#التحرش_فالمنتزهات_الحاجب… ظاهرة خاصها توقف بتعاون الساكنة والأمن والجماعة
فمدينة الحاجب، وبالضبط فمنتزهات معروفة بحال عين ذهيبة، عين خادم، عين بوتغزاز، وعين المدني، ولات كتبان بشكل كبير واحد الظاهرة خطيرة اللي كاتمس بالحياء وبالأمن ديال العائلات والنساء: التحرش والمضايقات.
كاينين شبات ومتزوجات كايتعرضو لممارسات غير أخلاقية من طرف بعض المنحرفين، اللي كايتسناو فرص باش يضايقو العيالات وسط المنتزهات أو حتى يتبعوهم حتال لبيوتهم، وهادشي ولا موضوع نقاش كبير فمجموعات الفايسبوك ولا بقى هكا غادي يأثر على نسبة الاستقطاب و غادي توسخ سمعة ديال المدينة.
صحيح كاين حضور رجال الأمن الوطني ومعاهم القوات المساعدة فكل منتزهات ودايرين خدمتهم، ولكن باش نحاربو هاد الظاهرة خاص مايبقاش السكات. السكات ديال النساء الضحايا هو اللي كايشجع المتحرش يزيد فالتصرفات ديالو. القانون الجنائي المغربي (الفصل 503-1-1) واضح: التحرش الجنسي جريمة كاتعاقب عليها الحبس والغرامة وهادشي خاصك تفهموه، سواء كان التحرش بكلام، إشارة، أفعال، أو حتى عبر وسائل التواصل، فبعض المرات كايتشافو حالات خايبة بزاف: ناس كبار كايبقاو يترصدو الأطفال الصغار اللي كايعومو فالمنابع المائية ويراقبوا الاعراض ديالهوم وأعوذ بالله، وهادشي كيعتبر اعتداء سافر على براءة الطفولة وكيصنف كجريمة تمس بالقاصر، واللي القانون المغربي كيعتبرها من الجرائم الخطيرة. أي مواطن كيشوف بحال هاد السلوك خاصو يتدخل بالحكمة ويعيط للبوليس، حيث الفصل 446 من القانون الجنائي كايأكد واجب التبليغ على الجرائم اللي كاتمس الأطفال.
من الحلول للي خاصة توزيع رجال الحراسة والأمن وسط المنتزهات بشكل مكثف، يكونو قريبين للعائلات ويتدخلو مباشرة فحالة شي سلوك مشبوه.
تعزيز الشراكة بين الجماعة، الأمن الوطني، والقوات المساعدة باش يدار واحد المخطط محلي يحمي الساكنة ويخلي هاد الفضاءات آمنة.
فتح فرص شغل للشباب العاطل، حيث البطالة كتخلي بزاف منهم يضيعو فالطرقات ويتجهو لسلوكات منحرفة.
التحسيس عبر المدارس والجمعيات بخطورة التحرش والعقوبات اللي كاترتبط بيه وخا هادشي كاين غير جهاز الامن الوطني في اطار التعاون مع المؤسسات تعليمية دايرين واحد قاضية للي واعرة الامن المدرسي و هادشي خاص الجمعيات دير هادشي، وحتى من ناحية دينية راه الإسلام واضح فهاد المسألة، حيث الله تعالى كيقول:
> "قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون" (النور:30).
> "ولا تقربوا الزنا إنه كان فاحشة وساء سبيلا" (الإسراء:32)
سورة النور (الآية 30-31):
> *"قُلْ لِّلْمُؤْمِنِينَ يَغُضُّوا۟ مِنْ أَبْصَـٰرِهِمْ وَيَحْفَظُوا۟ فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ ٱللَّهَ خَبِيرٌۢ بِمَا يَصْنَعُونَ • وَقُل لِّلْمُؤْمِنَـٰتِ يَغْضُضْنَ مِنْ أَبْصَـٰرِهِنَّ وَيَحْفَظْنَ فُرُوجَهُنَّ..."
سورة الأحزاب (الآية 58):
> "وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا"
سورة الأحزاب (الآية 59):
> "يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ"
هاد الآية جاية باش تبيّن أن ستر المرأة كيساهم فحمايتها من الأذى (التحرش والمضايقات).
سورة الإسراء (الآية 32):
> "وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا"
التحرش كيدخل فـ "مقدمات الزنا"، حيث فيه تهييج واعتداء
سورة النور (الآية 23):
> "إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ"
حتى مجرد الاتهام أو الكلام الخايب فحق المتزوجات أو البنات سماه الله جريمة كبرى وعليها لعنة.
وجاء فالحديث الشريف: "من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمان." (رواه مسلم).
اقال ﷺ:
> "المسلم من سلم المسلمون من لسانه ويده"
> (رواه البخاري ومسلم).
↔ التحرش باللسان أو باليد داخل فالمنع.
قال ﷺ:
> "اللهم إني أحرّج حق الضعيفين: اليتيم والمرأة"
> (رواه النسائي وابن ماجه وصححه الألباني).
↔ الرسول ﷺ كيأكّد أن المرأة من الفئات اللي خاصها حماية خاصة.
قال ﷺ:
> "إياكم والجلوس في الطرقات. قالوا: يا رسول الله، ما لنا من مجالسنا بُدّ نتحدث فيها. قال: "فإذا أبيتم إلا المجالس فأعطوا الطريق حقه." قالوا: وما حق الطريق؟ قال: "غض البصر، وكف الأذى، ورد السلام، والأمر بالمعروف والنهي عن المنكر."
> (رواه البخاري ومسلم).
↔ يعني الجلوس أو التربص بالطرق (أو المنتزهات فزماننا) بهدف التحرش ممنوع.
قال ﷺ:
> "كل المسلم على المسلم حرام: دمه وماله وعرضه"
> (رواه مسلم).
↔ العرض (الشرف والكرامة) محفوظ بحال الدم، واللي كيمسّو آثم كبير.
قال ﷺ:
> "من ستر مسلماً ستره الله في الدنيا والآخرة"
> (رواه مسلم).
↔ واللي كيحمي امرأة من التحرش ولا كيوقف فوجه المعتدي راه كيدخل فهاد الفضل العظيم.
قال ﷺ:
> "إن الله ليملي للظالم، فإذا أخذه لم يفلته"
> ثم قرأ: "وكذلك أخذ ربك إذا أخذ القرى وهي ظالمة إن أخذه أليم شديد"
> (رواه البخاري ومسلم).
↔ التحرش ظلم للنساء والأطفال، والله تعالى كيمهل ولكن ما كيهملش.
والله يهدي بنادم، ورجعو الموضوع، يعني ماشي غير الأمن الوطني اللي خاصو يحارب التحرش حيت اي منتزه مشيتي اتلقى الامن للي بالكسوة و حتى رجال الامن سفيل و كايشدو بنادم ولكن شحال قدهوم كايقول المثل شحال قدك تحضي من للي حاضيك خاص مواطن يدير دور ديالوا ، المواطن خاصو يساهم فمحاربة المنكر، بالسلوك الواعي، بالتبليغ للامن الوطني، وبنصح المنحرفين.
الأمن فالمنتزهات ماشي رفاهية، ولكن حق للساكنة والعائلات. خاصنا تعاون بين المواطن، الأمن، والجماعة، باش يتحول منتزه عين ذهيبة، عين خادم، عين بوتغزاز، وعين المدني لفضاءات آمنة للترفيه ماشي أماكن ديال الرعب والخوف.
وخا التحرش ظاهرة عالمية، ولكن فمدينة صغيرة بحال الحاجب وسياحية كاتستقط زوار من مختلف المناطق المملكة، ممكن نوقفوها بسهولة إذا مامنّاش بالسكات وطبقنا القانون والدين والتربية
----------بقلم اسامة القادري ✌🏼👑🇲🇦
