التعليم الأولي بالحاجب.. شنو واقع فالمباريات؟ واش فعلاً كاين خروقات؟
🔍 التعليم الأولي بالحاجب.. شنو واقع فالمباريات؟ واش فعلاً كاينة خروقات؟
إلى ضربتي دورة خفيفة فـ"فايسبوك"، غادي يوصلك نفس الصدى: موضوع انتقاء مربيات التعليم الأولي بإقليم الحاجب داير البوز، وملي كتشوف كثرة التعاليق والتدوينات، كتحس أن الناس ماشي غير متذمرين، ولكن كيتكلمو على خروقات واضحة، وبعضهم حتى كيهضر على " وهادشي بناءا على المنشور" فطريقة التدبير ديال العملية، ولكن شنو واقع بصح؟ وشنو كيقول القانون المغربي فهاد الحالة؟
📌 شنو كيتقال فالشارع الرقمي؟
الناس كيتحدثو على:
٠ مباريات بلا إعلان رسمي واضح.
٠ انتقاء أسماء دون اعتماد مبدأ تكافؤ الفرص.
٠ تدخلات محسوبية وزبونية.
٠ تغييب المعايير المهنية الحقيقية.
٠ إقصاء مترشحات بدون مبرر واضح.
هادشي كامل كيزيد الطين بلة فـقطاع المفروض يكون مثالي خصوصاً خدامة بتمويل عمومي وأهداف اجتماعية وتنموية.
---⚖️ فين هو القانون فكل هادشي؟
حسب المادة 31 من الدستور المغربي، الدولة مسؤولة على ضمان تعليم جيد وموحد للجميع.
وإذا رجعنا لقانون الصفقات العمومية (مرسوم 2.12.349)، أي خدمة مُمولة من المال العام خاصها تمر عبر مساطر واضحة:
- إعلان المنافسة.
- دفتر تحملات شفاف.
- لجنة انتقاء محايدة.
- حق الطعن والتظلم.
وحتى فـ الدورية المشتركة بين وزارتي التعليم والداخلية حول التعليم الأولي، كيتشددو على احترام المعايير فاختيار الجمعيات والمربيات، واعتماد مباريات شفافة تحت إشراف لجان مختلطة.
واش فعلاً كاين خرق لهذ المبادئ؟
إذا تأكدات الادعاءات اللي كيدورو، فحنا أمام اختلالات كبيرة تقدر توصل لـ:
- الإخلال بمبدأ المساواة وتكافؤ الفرص.
- تبديد المال العام إذا كانت التوظيفات غير مؤهلة.
- خرق مبدأ المحاسبة والشفافية المنصوص عليها فالدستور والقوانين التنظيمية للجماعات والبرامج الاجتماعية.
---📢 شنو خاص يتدار دابا؟
1. فتح تحقيق إداري وقانوني من طرف الجهات المسؤولة: العمالة، قسم العمل الاجتماعي، الأكاديمية الجهوية، ومؤسسة زاكورة.
2. نشر لائحة المترشحين والناجحين، والمعايير اللي تبنات عليها النقط.
3. فتح باب الطعون لأي مترشحة/مترشح كيحس بالحيف.
4. دور المجتمع المدني والإعلام المحلي مهم فـ تتبع الملف بدون مزايدات ولكن بوعي ومسؤولية.
قطاع التعليم الأولي ماشي مجال للتجارب أو المحسوبية، بل هو استثمار فـأهم مورد ديال هاد البلاد: الطفل المغربي.
ومن حق كل مواطنة ومواطن يعرف شنو واقع، ويدافع على تعليم نقي، شفاف، وكفء.
إلى عندك معطيات إضافية أو كنتي من الناس اللي شاركو فالمباراة، خلي بصمتك فالتعاليق وشاركنا تجربتك.
----------بقلم اسامة القادري ✌🏼👑🇲🇦
💾” كانقشوا الموضوع حسب المعلومات المذكورة أع
لاه ... نناقش ونحلل بناءا على رأي الشأن المحلي “
